Comune di Santa Giusta

Sito ufficiale dell’amministrazione comunale di Santa Giusta

Salta la barra di navigazione e vai ai contenuti

Presentada

Santajustesu

Ofìciu Lìngua Sarda Cumuni de Santa Justa
In su mesi de donniasanti de su 2009 est nàsciu in su Cumuni de Santa Justa s’Ofìciu de sa Lìngua Sarda.
Giai de annus meda est istètia reconòscia a sa limba sarda pari dinnidadi e importàntzia respetu a sa lìngua italiana e a dònnia atra lìngua.
S’Isportellu linguìsticu nascit in cunseguèntzia de is leis a tutela de is lìnguas de minoria, e tenit sa finalidadi de promovi su manìgiu de sa Lìngua Sarda in is aministratzionis pùblicas e in su Cumuni de cumpetèntzia sua.

Is lìnguas chi s’Isportellu podit manigiai po fai is atvidadis suas funt sa Limba Sarda Comuna e cussa de sa variedadi locali.
Sa Limba Sarda Comuna est una lìngua isperimentali adotada de sa Regioni Sardigna cun Dèlibera de Giunta Regionali n.16/14 de su 18 de abribi de su 2006, comenti de una lìngua uficiali po is autus e documentus chi essint de is aministratzionis pùblicas.
Ma sa LSC no bolit cambiai sa variedadi locali ma donai sceti normas de iscritura, sa comunidadi locali podit scioberai de sighiri a fueddai e iscriri in sa variedadi sua.

In s’àmbitu de su traballu fatu fintzas a immoi de s’Isportellu linguìsticu po s’ocasioni de s’e ventu Bint’annus de sa Biblioteca de Santa Justa de su 22 e su 25 de gennàxiu de su 2010, e po s’eventu Bisitamus sa Basìlica de su 24 e su 25 de abribi de su 2010 si funt realizaus is materialis chi sighint:

Limba Sarda Comuna

Ufìtziu limba sarda Comunu de Santa Justa
In su mese de santandria de su 2009 est nàschidu in sa Comuna de Santa Justa s’Ufìtziu de sa Limba Sarda.
Dae unos cantos annos est istètia reconòschida a sa limba sarda pari dignidade e importu cunforma a sa limba italiana e a onni àtera limba.
S’Isportellu linguìsticu naschet a pustis de sas leges a tutela de sas limbas de minoria, e leat sa finalidade de promòvere s’impreu de sa Limba Sarda in sas aministratziones pùblicas e in sa Comuna de cumpetèntzia sua.

Sas limbas chi s’Isportellu podet impreare pro faghere sas atvidades suas funt sa Limba Sarda Comuna e cussa de sa variedade locale.
Sa Limba Sarda Comuna est una limba isperimentale adotada dae sa Regione Sardigna cun Dèlibera de Giunta Regionale n.16/14 de su 18 de abrile de su 2006, comente de una limba ufitziale pro sos autos e documentos chi essint dae sas aministratziones pùblicas.
Ma sa LSC no cheret cambiare sa variedade locale ma giare petzi normas de iscritura, sa comunidade locale tenet facultade de sighire a faeddare e iscriere in sa variedade sua.

In s’àmbitu de su triballu fatu fintzas a como dae s’Isportellu linguìsticu pro s’ocasione de s’e ventu Bint’annus de sa Biblioteca de Santa Justa de su 22 e su 25 de ghennàrgiu de su 2010, e pro s’eventu Bisitamus sa Basìlica de su 24 e su 25 de abrile de su 2010, si funt realizados sos materiales chi sighent:

 
Home | Contatti | Mappa del sito | Credits | © ConsulMedia 2007